طريقة المعمول بالجبن
مقادير
4 كوبسميد
1 كوبطحين فرخة
500 غزبدة
قالبجبنة عكاوي محلى
قالبجبنة مجدولة محلى
200 غجبنة موزاريلا
سكر بودرة +
طريقة التحضير
بندوب الزبدة وبننقع فيا السميد والطحين الفرخة من قبل بليلة.
+
بنقطع نوعين الجبنة لشرايح وبننقعن بمي وسكر وكل كام ساعة بنغير المي علين وبنرجع بنحط سكر وهيك لحد ما تتحلى الجبنة وطبعا بدنا بنلش بهالعملية من قبل بيوم لحتى نتأكد انو كل الملح راح من الجبنة.
+
تاني يوم بنصفي الجبنة من ميتا كتير منيح وبنحطا بمصفاية وبنغطيا بقماشة او بشكير نضيف او شاشة وبنحط تقل فوقا لحتى تنزل اكبر كمية ممكنة من المي تبع الجبنة. وبس تتصفى بنحط معا الجبنة الموزاريلا وشي ملعقتين سكر بودرة وبنعجنن سوا بإيدنا كتير منيح وبنخلين ع جنب ليصير وقت استعمالن.
+
بنجي للسميد وبنضيف فوقو مي سخنة شوي شوي وبنعجن لحد ما يصير قوام العجينة متل عجينة الكبة.
+
بنفس الطريقة اللي بنعمل فيا قراص الكبة بنعمل من عجينة المعمول طابات. بنجيب طابة وبنضغطا بإيدنا وبنحط فوقا حوالي ملعقة كبيرة جبنة وبنجيب طابة تانية بنضغطا وبنحطا فوق الجبنة وبنضل نلف القرص بين ايدينا لنتأكد انو تسكر من كل الجهات وبنخلي شكلو يصير متل قرص الكبة المشوية وبنحطو بصينية الفرن. بنكرر العملية لتخلص الكمية كلا.
+
بنحط الصينية بفرن محمى مسبقا. بالاول بنحطن من فوق لياخدو لون اشقر وبنرجع بنعير الفرن من تحت بس وبس يخلصو بنطلعن من الفرن وبنرش علين سكر وبنقدمن. وصحة وألف هنا 😙😙😙
+
ملاحظة: فيكن تعملو القراص اللي ما رح يتاكلو فورا نص سوا وبس بدكن تقدمون فيما بعد بترجعو بتحطون بالفرن لانو هادا النوع من المعمول لازم يتقدم سخن لحتى تكون الجبنة دايبة وغير شكل.
تعليقات
إرسال تعليق